Aksident i rëndë në Unazën e Madhe të Tiranës – plagoset rëndë drejtuesi i motorit

Një aksident i rëndë ka ndodhur pak më parë në Unazën e Madhe të Tiranës, ku një automjet ka përplasur një motor.

Si pasojë e përplasjes, drejtuesi i motorit ka mbetur i plagosur rëndë dhe është transportuar me urgjencë drejt spitalit. Gjendja e tij raportohet të jetë kritike.

Policia ka mbërritur menjëherë në vendin e ngjarjes dhe ka nisur hetimet për të zbardhur shkaqet dhe rrethanat e aksidentit. Ende nuk dihen detaje mbi identitetin e të përfshirëve apo shpejtësinë me të cilën lëviznin mjetet.

Pritet një njoftim zyrtar nga autoritetet për më shumë informacion.